Es l’ouro dóu gousta !
La Candelouso, lou sabès, es pas soulamen la fèsto di crespo !
Es uno fèsto religiouso, crestiano, que celèbro , quaranto jour après sa neissènço, la presentacioun de Jèsus au Tèmple.
Tóuti li dous de febrié, li cresènt fan de proucessioun’mé de cire verd atuba e benesi.
A Marsiho se debano dins lou quartié de l’Abadié de Sant Vitour.
La Vierge negro, servado touto l’annado dins li croto de l’Abadié,es tapado d’un mantèu verd e presentado au mounde aqui.
L’archevesque benesis alor la Vierge, li cire verd emai la vilo davans éu e celèbro la messo.
Enfin, au famous Four di Naveto proche, benesis li bescue noun mens famous, que la tradicioun vòu que chascun croumpe de naveto benesido.
D’ùni gardon dins l’oustau, pèr pourta bonur à la famiho, un cire’m’uno naveto benesido jusqu’à la Candelouso que vèn.
Lou bescue à la flour d’arangié represènto la nau que menè li Sànti-Marìo en Camargo.
